Azərbaycanın nəqliyyat dəhlizlərində 30 milyon tonluq tranzit hədəfi

Prezident İlham Əliyev MDB Dövlət Başçıları Şurasının məhdud tərkibdə iclasında bildirib ki, ölkə müasir nəqliyyat və logistika infrastrukturunu praktik olaraq sıfırdan qurub. Dövlət başçısı Azərbaycanın regionun əsas nəqliyyat qovşaqlarından biri kimi mövqeyini möhkəmləndirdiyini və Şimal-Cənub və Şərq-Qərb beynəlxalq dəhlizləri boyunca etibarlı tranzit təmin etdiyini vurğulayıb.

İlham Əliyev 2026-cı ilin birinci yarısında Azərbaycandan keçən tranzit daşımalarının həcminin 10 faiz artaraq təxminən 8 milyon tona çatdığını qeyd edib. Ortamüddətli məqsəd Şərq-Qərb və Şimal-Cənub marşrutları üzrə hər birində 15 milyon ton, cəmi 30 milyon ton yükdaşımasıdır. Dəmir yollarına, avtomobil yollarına, dəniz limanlarına və logistika infrastrukturuna milyardlarla dollar investisiya yatırılıb.

Milli Məclisin deputatı Vüqar Bayramov Musavat.com-a şərhində Azərbaycanın nəqliyyat dəhlizlərini maliyyə, logistik və elektron baxımdan dəstəklədiyini bildirib. O, bütün növ yük daşımalarının həcminin 16 milyon tondan 25 milyon tona çatdırılması hədəfinə diqqət çəkərək, bu daşımalardan əldə olunan gəlirin 5 milyard manata qədər artıra biləcəyini deyib.