Tatarystanyň Kazanynda 38 awtoduralgada töleg ýokarlanmagy meýilleşdirilýär

Rusiýanyň Tatarystan Respublikasynyň paýtagty Kazan şäheriniň häkimiýeti 38 munisipal awtoduralgada parkinge tölegi ýokarlandyrmagy, bir duralgada bolsa peseltmegi meýilleşdirýär. Şäher ýerine ýetiriji komitetiniň degişli kararynyň taslamasy entek korrupsiýa garşy ekspertizadan geçýär.

Taslama görä, awtomobili goýup gitmek tölegi Hudýakow, Korolenko, Tolstoý, Şamil Usmanow köçelerinde, Kreml kenarynda we Riçard Zorge köçesinde 30 rubldan 50 rubla çenli ýokarlanar. Beýleki duralgalarda töleg 50 rubldan 70 rubla, käbir ýerlerde 70 rubldan 100 rubla çenli ýokarlanar.

Çeşme habarynda Ulýanow-Lenin, Kurašow we Şapow köçelerindäki duralgalaryň hem sanawda bolandygy bellenilýär.