Татарстандын Казанында 38 унаа токтоочу жайда акы көбөйтүү пландалууда

Татарстан Республикасынын борбору Казань шаарынын бийлиги 38 муниципалдык унаа токтоочу жайда акыны көбөйтүүнү, бир жайда азайтууну пландаштырууда. Шаар аткаруу комитетинин тиешелүү токтомунун долбоору азырынча коррупцияга каршы экспертизадан өтүүдө.

Долбоорго ылайык, унаа калтыруу акысы Худяков, Короленко, Толстой, Шамиль Усманов көчөлөрүндө, Кремль жагалоосунда жана Рихард Зорге көчөсүндө 30 рублдан 50 рублга чейин өсөт. Башка унаа токтоочу жайларда акы 50 рублдан 70 рублга, айрым жерлерде 70 рублдан 100 рублга чейин көтөрүлөт.

Булардан тышкары, Ульянов-Ленин, Курашов жана Бутлеров көчөлөрүндөгү жайлар да тизмеде бар экени айтылат.