Gazagystan LPG eksportyna 14-noýabrdan alty aýlyk gadagan goýmagy teklip edýär

Gazagystanyň Energetika ministrligi 2026-njy ýylyň 14-noýabrynda başlap ýurtdan awtoulag we demirýol arkaly suwuklandyrylan nebit gazynyň (LPG), propanyň we butanyň eksportyna alty aýlyk gadagan goýmagy teklip etdi. Bu barada jemgyýetçilik çekişmesine çykarylan ministrligiň buýrugynyň taslamasynda aýdylýar.

Taslam 28-nji oktýabrda neşir edildi we jemgyýetçilik çekişmesi 2026-njy ýylyň 12-nji noýabryna çenli dowam eder. «Suwuklandyrylan nebit gazyny daşamagyň käbir meseleleri hakda» atly buýruk taslamasy çäklendirme döwründe Gazagystanyň içerki bazaryny LPG bilen ýeterlik üpjün etmegi maksat edinýär. Teklip edilen gadagançylyga käbir düzgünler göz öňünde tutulýar.

Resminamada bu çäräniň Gazagystanyň Daşary söwda syýasaty we halkara ykdysady guramalara gatnaşmak boýunça ministrlikara komissiýasy tarapyndan tassyklanan eksport çäklendirmelerini dowam etdirjegi belleýär. Taslam komissiýanyň 2026-njy ýylyň 5-nji martynda geçirilen mejlisiniň protokolynyň 7-nji bendine we Ýewraziýa ykdysady birligi hakdaky şertnama laýyklykda taýýarlandy. Taslamda onuň sosial-ykdysady, hukuk ýa-da beýleki otrisatel netijeleriniň bolmajagy we milli howpsuzlyga täsir etmejegi aýdylýar.