Казакстан 14-ноябрдан СУГ экспортуна алты айлык тыюу салууну сунуштады

Казакстандын Энергетика министрлиги 2026-жылдын 14-ноябрынан тартып өлкөдөн унаа жана темир жол аркылуу суюлтулган мунай газынын (СУГ), пропан менен бутандын экспортуна алты айлык тыюу салууну сунуштады. Бул тууралуу коомдук талкууга коюлган буйрук долбоорунда айтылат.

Долбоор 28-октябрда жарыяланды, коомдук талкуу 2026-жылдын 12-ноябрына чейин уланат. «Суюлтулган мунай газын ташуунун айрым маселелери жөнүндө» деп аталган долбоордун максаты чектөө мезгилинде Казакстандын ички рыногун СУГ менен камсыз кылуу. Сунушталган тыюуга айрым өзгөчөлүктөр каралган.

Документте бул чара Казакстандын Тышкы соода саясаты жана эл аралык экономикалык уюмдарга катышуу боюнча аралык комиссиясы бекиткен экспорттук чектөөлөрдү улантарын айтылат. Долбоор комиссиянын 2026-жылдын 5-мартындагы протоколунун 7-пунктуна жана Евразия экономикалык биримдиги жөнүндөгү келишимге ылайык даярдалган. Долбоордо анын социалдык-экономикалык, укуктук же башка терс кесепеттери болбойт жана улуттук коопсуздукка терс таасир тийгизбейт деп белгиленген.