Gyrgyzystana Azerbaýjandan ilkinji ýangyç partiýalary gelip başlady

Gyrgyzystana Azerbaýjan, Türkmenistan, Belarus, Türkiye we Hytaýdan gelen ilkinji ýangyç partiýalary gelip başlady. Ýurt ýekeje üpjün edijä baglylygy azaltmak maksady bilen nebit önümleriniň import geografiýasyny giňeldýär.

AZERTAC-yň Kabar agentligine salgylanyp Astanadan 29-njy oktýabrda berlen habarda, bu barada Gyrgyzystanyň Nebit söwdagärleriniň assosiasiýasynyň prezidenti Kanatbek Eşatow mälim etdi. Onuň sözlerine görä, ozal Gyrgyzystanyň esasy ýangyç üpjün edijisi Russiýa bolupdyr, Hytaýdan ilkinji partiýalar bolsa demir ýol arkaly gelip başlapdyr.

Eşatowyň sözlerine görä, Gyrgyzystanda dizel ýangyjynyň ýagdaýy durnukly, emma benzin bazarynda belli bir ýetmezçilik saklanýar. Ýurduň nebit önümlerine ýyllyk isleg 1,5 million tonnadan geçýär.