Holguin: Kipr meselesinde ilerlemä garaşýaryn

BMG-niň Baş sekretary Antonio Guterreşiň Kipr boýunça şahsy wekili Maria Angela Holguin Kipr meselesinde ilerlemä ynanýandygyny aýtdy. Alphanews habar sahypasynyň habaryna görä, Holguin şu gün Rum Dolandyryşynyň ýolbaşçysy Nikos Hristodulidis bilen Rum Prezident köşkünde takmynan bir sagat dowam eden duşuşyk geçirdi.

Holguin duşuşykdan soňky beýanatynda adadaky birnäçe gün dowam ediljek gatnaşyklarynyň maksadynyň prosesi güýçlendirmekdigini belleýärdi. Ol Guterreşiň wezipe möhletiniň iň soňky gününe çenli Kipr meselesinde ilerleme üçin tagalla etmek barada tabşyryk berendigini we işini şol ugurda dowam etdirýändigini gürrüň berdi. Holguin duşenbe güni Prezident Tufan Erhürman bilen duşuşjakdygyny we 9-njy noýabr duşenbe güni iki lider bilen meýilleşdirilen üçtaraply duşuşyga yşarat edip: “Bir zat görüp bileris diýip umyt edýärin” diýdi.

Holguin, esasy meseleler, metodologiýa we Ynam Döredýän Çäreler boýunça ilerleme gazanylsa, ýyl soňundan öň Kipr meselesi boýunça resmi däl köptaraply konferensiýanyň çagyrylyp biljekdigine hem umyt edýändigini aýtdy. BMG-niň Baş sekretariatynyň wezipesine dalaş etmek niýetiniň barlygy barada soralanda bolsa, ol otrisatel jogap berdi.