Holguin: Kipr məsələsində irəliləyiş barədə optimistəm

BM Baş katibi Antonio Quterreşin Kipr üzrə şəxsi nümayəndəsi Maria Angela Holguin Kipr məsələsində irəliləyiş əldə edilməsi barədə optimist olduğunu bildirib. Alphanews xəbər saytının məlumatına görə, Holguin bu gün Rum İdarəsinin lideri Nikos Xristodulidislə Rum Prezident sarayında təxminən bir saat davam edən görüş keçirib.

Holguin görüşdən sonrakı açıqlamasında adadakı bir neçə gün davam edəcək təmaslarının məqsədinin prosesə təkan vermək olduğunu deyib. O, Quterreşin ona vəzifə müddətinin son gününədək Kipr məsələsində irəliləyiş üçün səy göstərmək barədə tapşırıq verdiyini və işini bu istiqamətdə davam etdirdiyini qeyd edib. Holguin pazartesi Prezident Tufan Erxürmanla görüşəcəyini və noyabrın 9-da, bazar ertəsi iki liderlə planlaşdırılan üçtərəfli görüşə işarə edərək, “Bir şey görə biləcəyimizi ümid edirəm” deyib.

Holguin, əsas məsələlər, metodologiya və Etimad Yaradan Tədbirlər üzrə irəliləyiş əldə olunarsa, ilin sonundan əvvəl Kipr məsələsi üzrə qeyri-rəsmi geniş tərkibli konfransın toplana biləcəyinə də optimist olduğunu bildirib. BM Baş katibliyinə namizəd olmağı düşünüb-düşünmədiyi sualına isə mənfi cavab verib.