Gazagystanyň Prezidenti Tokaýew Türkiýä saparyny tamamlady

Gazagystanyň Prezidenti Kasym-Jomart Tokaýewiň Türkiýä resmi sapary tamamlandy. Habary Tengrinews.kz Prezidentiň Akorda metbugat gullugyna salgylanyp berdi. Tokaýew 28-nji oktýabrda Erdoganyň çakylygy bilen Türkiýä gelipdi. 30-njy oktýabrda Ankara howa menzilinde Söwda ministri Ömer Bolat we beýleki resmi adamlar ony ugratdylar.

Sapar dowamynda Tokaýew Recep Tayyip Erdogan bilen gepleşik geçirdi we Türk döwletleriniň guramasynyň 13-nji sammitine gatnaşdy. Gepleşiklerde söwda-ykdysady hyzmatdaşlyk, maýa goýum, ulag we energetika, şeýle hem Türk birleşigi çäklerindäki hyzmatdaşlyk ele alyndy. Tokaýew Türkiýäni Gazagystanyň iň uly söwda ýoldaşlarynyň bäşisiniň we iň uly maýa goýujylarynyň onunyň biri diýip atlandyrdy. Erdogan bolsa ýurtlaryň arasyndaky söwda dolanyşygyny 15 milliard dollara çykarmak niýetini aýtdy.

Sammitde Tokaýew guramanyň agzalary bilen Gazagystanyň söwda dolanyşygynyň bu ýyl 10 milliard dollara golaýlaşandygyny we geçen ýyl bilen deňeşdirilende 40 göterim artandygyny belledi. Guramanyň harby ittifaka öwrülmeli däldigini nygtady. Ankara Deklarasiýasy kabul edildi, guramanyň başlyklygy Azerbaýjandan Türkiýä geçdi. Ýolbaşçylar Ankaradaky Beştepe seýilgähinde Türk dünýäsi ýolagyny açdylar.