Qazaxıstan Prezidenti Tokayev Türkiyə səfərini başa vurdu

Qazaxıstan Prezidenti Qasım-Comart Tokayevin Türkiyəyə rəsmi səfəri başa çatdı. Xəbəri Tengrinews.kz Qazaxıstan Prezidentinin mətbuat xidmətinə (Akorda) istinadən verib. Tokayev 28 oktyabrda Ərdoğanın dəvəti ilə Türkiyəyə gəlmişdi. 30 oktyabrda onu Ankarada Ticarət naziri Ömer Bolat və digər rəsmilər yola saldı.

Səfər çərçivəsində Tokayev Rəcəb Tayyib Ərdoğanla danışıqlar apardı və Türk Dövlətləri Təşkilatının 13-cü zirvəsində iştirak etdi. Müzakirələr ticarət, investisiya, nəqliyyat və enerji ilə yanaşı təşkilat daxilində əməkdaşlığa yönəldi. Tokayev Türkiyəni Qazaxıstanın beş ən böyük ticarət tərəfdaşından və on ən böyük investorundan biri adlandırdı. Ərdoğan isə ölkələr arasında ticarət dövriyyəsini 15 milyard dollara çatdırmaq niyyətini bildirdi.

Zirvədə Tokayev təşkilat üzvləri ilə Qazaxıstanın ticarət dövriyyəsinin bu il 10 milyard dollara yaxınlaşdığını və 40 faiz artdığını söylədi. Təşkilatın hərbi ittifaqa çevrilməməli olduğunu vurğuladı. Ankara Bəyannaməsi qəbul edildi, təşkilatın sədrliyi Azərbaycandan Türkiyəyə keçdi. Liderlər həmçinin Ankaradakı Beştəpə parkında Türk dünyası xiyabanını açdılar.