Daşkentde Merkezi Aziýa-Azerbaýjan hyzmatdaşlygy boýunça ekspert dialogy

Daşkentde 2026-njy ýylyň 30-njy oktýabrynda “Merkezi Aziýa we Azerbaýjan: ynam we hyzmatdaşlyga esaslanan täze syýasy gurşaw” atly ekspert we diplomatik dialog geçirildi. Muny Türkmenistanyň Daşary işler ministrligi habar berdi.

Çäräniň merkezinde 31-nji iýulda Çolpon-Ata şäherinde geçirilen Merkezi Aziýa we Azerbaýjan döwlet baştutanlarynyň resmi däl Maslahat duşuşygy hem-de 8-nji oktýabrda Awaza Milli Turizm zonasynda geçirilen Sekizinji Maslahat duşuşygynyň netijeleri ele alyndy. Dialoga Azerbaýjanyň, Gazagystanyň, Gyrgyzystanyň we Türkmenistanyň Özbegistandaky ilçileri, diplomatik korpus, ekspertler we metbugat wekilleri gatnaşdy.

Gatnaşyjylar syýasy ynamy pugtalandyrmak, goňşuçylyk gatnaşyklaryny we özara bähbitli hyzmatdaşlygy ara alyp maslahatlaşdylar. Türkmenistanyň Özbegistandaky ilçisiŞ. Meredow duşuşyklaryň özara hormat, deňlik we milli bähbitlere esaslanýan sebitdaşlyga täze itergi berendigini belledi. Şeýle hem Türkmenistanyň Prezidenti Serdar Berdimuhamedowyň başlangyçlaryna we ebedi bitaraplyk ýagdaýyna esaslanan daşary syýasata ünsi çekildi.