Ташкентте Борбордук Азия жана Азербайджан кызматташтыгы боюнча эксперттик диалог өттү

Ташкентте 2026-жылдын 30-октябрында «Борбордук Азия жана Азербайджан: ишенимге жана кызматташтыкка негизделген жаңы саясий чөйрө» деген эксперттик-дипломатиялык диалог өттү. Бул тууралуу Түркмөнстандын Тышкы иштер министрлиги кабарлады.

Иш-чарада 31-июлда Чолпон-Атада өткөн Борбордук Азия мамлекеттеринин жана Азербайжан Республикасынын жетекчилеринин расмий эмес Консультативдик жолугушуусунун, ошондой эле 8-октябрда Аваза улуттук туристтик зонасында өткөн Сегизинчи Консультативдик жолугушуунун жыйынтыктары талкууланды. Диалогго Азербайжан, Казакстан, Кыргызстан жана Түркмөнстандын Өзбекстандагы элчилери, дипломатиялык корпустун өкүлдөрү, эксперттер, массалык маалымат каражаттары жана Түркмөнстандын Тышкы иштер министрлигинин Эл аралык мамилелер институтунун студенттери катышты.

Катышуучулар саясий ишенимди бекемдөө, коңшулук мамилелер жана өз ара пайдалуу кызматташтык маселелерин талкуулашты. Түркмөнстандын Өзбекстандагы элчиси Ш. Мередов жолугушуулар өз ара сыйлоо, теңдик жана улуттук кызыкчылыктарды эске алуу принциптерине негизделген аймактык кызматташтыкка жаңы серпин бергенин айтты. Ошондой эле Түркмөнстандын Президенти Сердар Бердимухамедовдун демилгелерине жана өлкөнүн түбөлүк бейтараптык статусуна таянган тышкы саясатына өзгөчө көңүл бурулду.