Täjigistanyň Türkmenistandan importy 2026 ýanwar-sentýabrda 127,4 mln dollar

Täjigistan 2026-njy ýylyň ýanwar-sentýabr aýlarynda Türkmenistandan 127,4 million dollar möçberinde haryt import edipdir. Bu barada Täjigistan Prezidentiniň ýanyndaky Statistika agentliginiň hasabatynda habar berilýär. Türkmenistan Täjigistanyň umumy importynyň 1,5 göterimini üpjün edip, üpjün ediji ýurtlaryň sanawynda Germaniýa (1,8%) bilen Ýaponiýanyň (1,3%) arasynda ýer aldy.

Täjigistana haryt ibermekde iň uly ýurtlar Gytaý (28%), Rossiýa (20,9%) we Gazagystan (12,5%) bolmagyna galýar. Olaryň yzynda Şweýsariýa (6%), ABŞ (5,1%) we Özbegistan (4,8%) gelýär.

Şol döwürde Türkmenistan bilen Täjigistanyň arasyndaky söwda dolanyşygy 128,5 million dollara deňdi. Täjigistanyň Türkmenistana eksporty bolsa 1,09 million dollar boldy. Täjigistan hökümetiniň ýanyndaky Gümrük gullugynyň maglumatlaryna görä, ýurduň ýanwar-sentýabrda daşary söwda dolanyşygy 10,65 milliard dollara ýetdi; bu geçen ýyla görä 35,6%, ýa-da 2,8 milliard dollar köpdür. Täjik harytlarynyň esasy satuw bazarlary Gytaý (eksportyň 30,5%), Şweýsariýa (23,5%) we Özbegistan (9,2%) boldy.