Tojikiston Turkmanistondan 2026 yanvar-sentabrda 127,4 mln dollarlik import qildi

Tojikiston 2026 yilning yanvar-sentabr oylarida Turkmanistondan 127,4 million dollarlik tovar import qilgan. Bu haqda Tojikiston Prezidenti huzuridagi Statistika agentligining hisobotida aytilgan. Turkmaniston Tojikistonning umumiy importining 1,5 foizini taʼminlab, yetkazib beruvchi davlatlar roʻyxatida Germaniya (1,8%) va Yaponiya (1,3%) oʻrtasida oʻrin egalladi.

Tojikistonga tovar yetkazib beruvchi yirik davlatlar Xitoy (28%), Rossiya (20,9%) va Qozogʻiston (12,5%) boʻlib qolmoqda. Ularning ortidan Shveytsariya (6%), AQSh (5,1%) va Oʻzbekiston (4,8%) keladi.

Shu davrda Turkmaniston va Tojikiston oʻrtasidagi savdo aylanmasi 128,5 million dollarni tashkil etdi. Tojikistonning Turkmanistonga eksporti esa 1,09 million dollar boʻldi. Tojikiston hukumati huzuridagi Bojxona xizmatining maʼlumotlariga koʻra, mamlakatning yanvar-sentabrdagi umumiy tashqi savdo aylanmasi 10,65 milliard dollarga yetgan, bu oʻtgan yilga nisbatan 35,6%, yoki 2,8 milliard dollarga koʻp. Tojik tovarlarining asosiy bozorlari Xitoy (eksportning 30,5%), Shveytsariya (23,5%) va Oʻzbekiston (9,2%) boʻldi.