Gyrgyzystanyň Oş şäherinde mekdeplere we hassahanalara ýylylyk berilip başlandy

“Kabar” habar agentliginiň 2026-njy ýylyň 2-nji noýabrynda berlen habaryna görä, Oş şäherinde 2-nji noýabrdan başlap bilim we saglygy goraýyş edaralaryna we beýleki sosial obýektlere ýylylyk berilip başlanylypdyr. Şäher häkimliginden habar berlişine görä, ýaşaýyş jaýlaryna ýylylyk 4-nji noýabrdan başlap tapgyrlaýyn berler.

Şu gün gyşky ýylylyk möwsümine taýynlyk görmek boýunça štabyň mejlisinde şäherdäki kommunal kärhanalaryň we degişli gulluklaryň taýynlygy seljerildi. Mejlisde şeýle hem şäher ilatyny elektrik energiýasy, ýylylyk we arassa suw bilen üznüksiz üpjün etmek, gazlaşdyrmak işleri we transformator kömekçi merkezleriniň ýagdaýy ara alyndy.

Mejlisiň soňunda häkimiň orunbasary Ernis Toltoýew jogapkär gullara gyş döwründe üznüksiz hyzmat etmegi we adatdan daşary ýagdaýlara çalt çäre görmäge taýyn bolmagy tabşyrdy.