Türkiýäniň ikinji AES-i Sinopda guruljak, taslamanyň bahasy 30 mlrd dollar

Türkiýäniň ikinji atom elektrik stansiýasynyň Gara deňiz kenaryndaky Sinop welaýtynyň İnjeburun etrabynda gurulmagy meýilleşdirilýär. Bu barada AZERTAC Prezident Recep Tayyip Erdoganyň Seul saparyny beýan edýän türk metbugatyna salgylanyp habar berýär. Türk lider şol gün ozal Koreýa Respublikasyny Sinop AES taslamasynda 'potensial hyzmatdaş' diýip atlandyrdy.

Taslama 30 mlrd dollar harçlanmagy göz öňünde tutulýar. Ýurduň demirgazygynda umumy güýji takmynan 4,5 müň MVt bolan dört reaktoryň Türkiýede sarp edilýän elektrik energiýasynyň 10 göterimini öndürmegi garaşylýar. Stansiýanyň işleýiş möhleti 60 ýyl bolup, ýene 20 ýyl uzaldylyp bilner. Ýer saýlanylanda Gara deňiz ýolagynyň seýsmiki durnuklylygy hem göz öňünde tutuldy.

Türk hünärmenler Sinopdaky AES-iň Koreýanyň döwlet kompaniýasy KEPCO tarapyndan gurulmagyny inkär etmeýärler. Kompaniýa taslamanyň tehniki-ykdysady esaslandyrylmagy üstünde işleýär. Türkiýedäki ilkinji atom elektrik stansiýasyny Russiýanyň döwlet korporasiýasy Rosatom gurýar; onda täze ýyla çenli birinji blokuň fiziki işe girizilmegine umyt edilýär. Meýilnamalarda Trakýada üçünji AES-iň gurulmagy hem bar.