Türkiyənin ikinci AES-i Sinopda tikiləcək, layihənin dəyəri 30 milyard dollar

Türkiyənin ikinci atom elektrik stansiyasının Qara dəniz sahilindəki Sinop vilayətinin İncəburun rayonunda tikilməsi planlaşdırılır. Bunu AZERTAC, Prezident Rəcəb Tayyib Ərdoğanın Seul səfərini işıqlandıran türk mediasına istinadən bildirir. Türk lider eyni gün əvvəl Koreya Respublikasını Sinop AES layihəsində 'potensial tərəfdaş' adlandırıb.

Layihənin 30 milyard dollara başa gələcəyi gözlənilir. Ümumi gücü təxminən 4,5 min MVt olan dörd reaktorun Türkiyədə istehlak olunan elektrik enerjisinin 10 faizini istehsal edəcəyi gözlənilir. Stansiyanın istismar müddəti 60 il olub, 20 il də uzadıla bilər. Yer seçilərkən Türkiyənin Qara dəniz zolağının seysmik dayanıqlığı da nəzərə alınıb.

Türk ekspertlər Sinopdakı AES-in Koreya dövlət şirkəti KEPCO tərəfindən tikilə biləcəyini istisna etmirlər. Şirkət artıq layihənin texniki-iqtisadi əsaslandırması üzərində işləyir. Ölkədəki ilk atom elektrik stansiyasını isə Rusiya dövlət korporasiyası Rosatom tikir və orada yeni ilədək birinci blokun fiziki işə salınması gözlənilir. Planlarda Trakyada üçüncü AES-in tikintisi də var.