Өзбекстанда онкологиялык оорулары бар балдар үчүн санариптик маршрут түзүлдү

Өзбекстанда бирдиктүү улуттук медициналык платформанын негизинде онкологиялык оорулары бар балдар үчүн санариптик маршрут түзүлдү. Бул тууралуу Самаркандда өткөн балдар онкологиясы жана гематологиясы боюнча II Эл аралык конгрессте Узинфоком компаниясынын өкүлү Вадим Васильев билдирди. Компания өлкөнүн санариптик саламаттыкты сактоо платформасын түзүү менен алектенет.

Васильевдин айтымында, өлкөдө 38 миллиондон ашык жарандын жеке электрондук медициналык карталары бар. Системага 4 миңден ашык медициналык уюм кошулган жана болжол менен тогуз миллион электрондук рецепт жазылган.

Санариптик маршрут биринчи текшерүүдөн, үй-бүлөлүк поликлиникадагы көрүүдөн баштап республикалык борборгу дарылоого жана андан кийинки реабилитацияга чейинки бардык этаптарды камтыйт. Ар бир кадам системада катталып, платформанын бирдиктүү өзөгүнө берилет. Васильев: «Ошондуктан биз ар бир баланын кайсы этапта жана кайда экенин көрүп турабыз. Биз бир дагы пациентти жоготпойбуз», – деп белгиледи. Анын айтымында, алгачкы визиттен бекитилген дарылоо планына чейинки жол болжол менен 14 жумуш күнүн алат. Татаал учурлар республикалык борборго жөнөтүлөт, ал жерде кошумча адистер тартылат.