Табигый газ ташуу тармагы үчүн тендер жарыяланды

“Филелефтерос” гезити “Табигый газ тармагын пландоо тендерлери” деген аталыштагы макаласында, Рум мамлекеттик табигый газ ишканасы (DEFA) бир нече күн мурун “табигый газ ташуу тармагын куруу иштерин башкаруу жана техникалык пландоо боюнча колдоо кызматтары” үчүн тендер жарыялаганын жазды.

Газет табигый газдын Кипрге жетүү мөөнөтү дайым өзгөрүп турганына карабастан, табигый газ ташуу тармагын куруу процесстери башталганын белгиледи. DEFA жарыялаган тендер табигый газды электр энергиясын өндүрүүчү борборлорго жеткирүүгө багытталган, техникалык жана механикалык пландоону камтыган бүтүндөй долбоордун биринчи этабы экени баса белгиленди.

Тендердик документке ылайык, катышуучулар келечекте кеңейүү мүмкүнчүлүгү бар негизги өткөргүч линияны жана AİK жана башка жеке өндүрүш станцияларына баруучу эки капталдык линиянын пландаштырылышын сунуштоосу, ошондой эле тармактын Британ базаларына кеңейе аларын эске алышы керек.