Садыр Жапаров Жалал-Абад облусунун Тогуз-Тороо районуна барды

Кыргыз Республикасынын Президенти Садыр Жапаров 26-октябрда Жалал-Абад облусуна жумушчу сапары учурунда Тогуз-Тороо районунун 2021–2026-жылдардагы социалдык-экономикалык өнүгүүсүнүн жыйынтыктары менен таанышты. Мамлекет башчысынын аппаратынын маалымат саясаты бөлүмү билдиргендей, президентке ишке ашырылган долбоорлор, учурдагы иштер жана пландар тууралуу айтылган.

Райондун өнөр жай өндүрүшү 2021-жылы 1 миллиард 239,1 миллион сомдон 2025-жылы 3 миллиард 427,3 миллион сомго чейин өскөн. Бул жылдын жыйынтыгы боюнча 4 миллиард 270 миллион сом күтүлүүдө. Ушул мезгилде 33 объект ишке киргизилди же капиталдык оңдолду, анын ичинде төрт мектеп жана төрт балдар бакчасы бар.

Ишкерлер сегиз объектти пайдаланууга берди, 160,2 миллион сом инвестиция тартылып, 86 жумуш орду түзүлдү. Ири инфраструктуралык долбоорлордун катарында Казарман ГЭСинин каскады (долбоорлук кубаттуулугу 912 МВт) жана Кытай – Кыргызстан – Өзбекстан темир жолунун 70 км узундуктагы бөлүгү бар. 2021–2026-жылдары районда 43,4 км жол асфальттелген.