Түндүк Кипр парламенттик жана жергиликтүү шайлоолордун графигин жарыялады

Түндүк Кипр Түрк Республикасынын Жогорку шайлоо кеңеши (YSK) парламенттик жана жергиликтүү шайлоолор үчүн графикти жарыялады. Графикке ылайык, талапкерлер 31-октябрда убактылуу жарыяланат. 1-ноябрда шайлоочулардын тизмелери илинип, ал күндөн баштап 7 күн бою илинген бойдон калат. 8-ноябрда талапкерлер бекитилет. 9-ноябрда бекитилген талапкерлер жарыяланып, ошол эле күнү Жогорку шайлоо кеңешинде жеребе таштоо өтөт.

Шайлоо үгүтү 10-ноябрда башталат. Саясий партиялар BRT телеканалында үгүт жүргүзүү үчүн Жогорку шайлоо кеңешине эң кечи 15-ноябрда арыз бере алышат. Шайлоочулардын тизмелери 16-ноябрда бүтөт; тизмелерге оңдоолор киргизилсе, бул тууралуу саясий партияларга билдирилет. Шайлоо боюнча коомдук пикир сурамыштарын жана изилдөөлөрдү жарыялоонун акыркы күнү 21-ноябрь.

Шайлоочунун карточкалары жана маалымат брошюралары эң кечи 3-декабрда таратылат, ал эми шайлоо үгүтү 5-декабрда бүтөт. Шайлоочулар 6-декабрда Парламенттин депутаттыгына жана Жергиликтүү өз алдынча башкаруу органдарына шайлоо үчүн добуш берүү участкаларына барышат.