Токаев Казакстандагы участкалык дарыгерлердин маянасын көтөрүүнү тапшырды

Казакстанда участкалык кызмат адистеринин маянасы 2027-жылдын 1-январынан көтөрүлөт. Үстөк акы үзгүлтүксүз иш стажына жараша 40%га чейин болот.

Тапшырманы Касым-Жомарт Токаев Казакстан элине Жолдоосунда өкмөткө берди. Анын сөзүнө караганда, көтөрүлүш 77 миңден ашык адистин кирешесин жогорулатат.

Токаев ошондой эле үй-бүлө дарыгерлерине көбүрөөк ыйгарым укук берүү зарылдыгын жана алгачкы медициналык-санитардык жардамды каржылоону акырындык менен көбөйтүү керектигин белгиледи. Жолдоосунда Токаев өлкө тарыхындагы негизги окуяларды эстетип, дүйнөдөгү чыңалган абал тууралуу пикир айтып, экономика жана инфраструктураны өнүктүрүүнүн артыкчылыктарын атады.