Азербайжанда быйыл экономикалык өсүш 1,3% болот деп күтүлүүдө

Азербайжандын Борбордук банкынын төрагасы Тале Казымов быйыл өлкөдөгү экономикалык өсүш 1,3%, ал эми кийинки жылы 2,3% болорун билдирди. Бул тууралуу Report.az кабарлайт.

Казымовдун сөзүнө караганда, быйыл мунай эмес ИДП 2,8%, кийинки жылы 4,3% өсөт деп болжолдонууда. 9 айда экономикалык өсүш 1,5% болгон. Сентябрдагы маалыматтар боюнча мунай эмес ИДП өсүшү 2,6% түзгөн. Мунай эмес өсүштү туризм, соода, байланыш жана башка тармактар колдоодо.

Казымов болжолдор оптимисттик экенин айтты: «Биздин болжолдорубуз оптимисттик. Айрыкча быйылкы болжолдор өйдө карай кайра каралды».