Ердоган: Кипр түрктөрү түрк дүйнөсүнүн ажырагыс бөлүгү

Түркиянын Президенти Режеп Тайып Ердоган Анкарада бүгүн өтүүчү Түрк мамлекеттеринин уюмунун (ТМУ) саммитинин алдында «Түрк дүйнөсүнүн кылымы: биримдиктен бирикке» деген макаласын жарыялады. Ал Түндүк Кипр Түрк Республикасынын уюмдагы байкоочу статусунун мүмкүнчүлүктөрүн өнүктүрүүгө жана бир тууган өлкөлөр менен байланыштарды бекемдөөгө чоң маани берерин белгиледи.

Эрдоган «Түрк дүйнөсүнүн ажырагыс бөлүгү болгон Кипр түрктөрү менен болгон ынтымакташтыгыбызды ушундай түшүнүк менен улантабыз» деди. Макаласында Кипр түрктөрү туш болгон адилетсиз изоляцияны токтотуу жана алардын эгемендик теңдигин жана тең эл аралык статусун моюнга алуу боюнча бекем позицияны сактай турганын жазды. Ал 21-кылымдын «Түрк дүйнөсүнүн кылымы» болорүнө терең ишенерин айтты.

Эрдоган ошондой эле АКШнын Президенти Дональд Трамп менен телефон аркылуу сүйлөштү. Түркиянын Байланыш башкармалыгынын билдирүүсүнө ылайык, лидерлер Түркия менен АКШнын эки тараптуу мамилелерин, ошондой эле аймактык жана глобалдык окуяларды талкуулашты. Эрдоган кийинки жылы 100 жылдыгы белгиленүүчү мамилелерди өнүктүрүү үчүн иштеше беришерин белгиледи.