Казакстан: Токаев бизнести текшерүүгө үч жылдык мораторий сунуштады

Казакстандын Президенти Касым-Жомарт Токаев өлкөнүн алдындагы ири милдеттерди белгилеген кезектеги Жолдоосун жарыялады. Ал 2025-жылдын 8-сентябрында жарыяланган өткөн жылкы Жолдоосун эске алып, Санариптик кодекс жана «Digital Qazaqstan» концепциялык документинин кабыл алынганын, Жасалма интеллект жана санариптик өнүгүү министрлигинин түзүлгөнүн, болжол менен 100 миң студент технологиялык долбоорлорго тартылганын айтты.

Мамлекет башчысы кийинки жылды Жалпы элдик ири көлөмдөгү курулуш жылы деп жарыялоону сунуштады. Ошондой эле 2027-жылдын 1-январынан тартып бизнести текшерүүгө үч жылдык мораторий киргизүүнү сунуштады. Ал кийинки жылы «Бакты – Аягөз» темир жол линиясынын ишке кирерин жана Кытай менен жүк ташуу мүмкүнчүлүгүнүн 20 миллион тоннага өсөрүн билдирди. Август айында башталган «Арал – Каспий» автожолу Трансказакстан коридорун болжол менен 1000 чакырымга кыскартарын айтты.