Tokaýew Russiýanyň Türk döwletleri guramasyna çagyrylmagyny teklip etdi

Oktýabr aýynyň ahyrynda Ankarada geçirilen Türk döwletleri guramasynyň sammitinde Gazagystanyň Prezidenti Kasym-Jomart Tokaýew Russiýanyň guramana çagyrylmagyny teklip etdi. Hiç bir agza döwlet bu teklibe jogap bermedi we ahyrky beýannamada bu mesele görkezilmedi.

Makalada bellenilişine görä, Russiýanyň TDG-ä çagyrylmagy ýa-da şuňa meňzeş çemeleşme ilkinji gezek gündelikde däl. Moskwa öňden dürli serişdeler arkaly türk döwletleri bilen utgaşdyrylan gatnaşyklar döretmek barada teklipler beripdi.

2014-nji ýylda Donbasda urşuň başlanmagyndan soň Günbatar sanksiýalaryna sezewar bolan Russiýa, Kremle golaýlygy bilen tanalan filosof Aleksandr Dugin arkaly «türk-slaw ittifaky» düşünjesini öňe sürdi. Bu çemeleşme bir möhletlik Kremliň gözegçiligindäki käbir guramalar tarapyndan goldanyldy, emma türk döwletleriniň köpüsiniň gyzyklanma görkezmezligi bu ideýany Moskwanyň gündelik meselelerinden aýyrdy.