Tokayev Rossiyani Turkiy davlatlar tashkilotiga taklif etishni taklif qildi

Oktyabr oyining oxirida Anqarada oʻtkazilgan Turkiy davlatlar tashkiloti sammitida Qozogʻiston Prezidenti Qosimjomart Toqayev Rossiyani tashkilotga taklif qilish taklifini bildirdi. Hech bir aʼzo davlat bu taklifga javob bermadi va yakuniy deklaratsiyada bu masala koʻtarilmadi.

Maqolada qayd etilishicha, Rossiyaning TDTʼga taklif qilinishi yoki shunga oʻxshash yondashuv birinchi marta kun tartibiga chiqmayapti. Moskva ilgari turli vositalar orqali turkiy davlatlar bilan muvofiqlashtirish boʻyicha takliflar bergan edi.

2014-yilda Donbassdagi urush boshlanganidan keyin Gʻarb sanksiyalariga duch kelgan Rossiya, Kreml bilan yaqinligi bilan tanilgan faylasuf Aleksandr Dugin orqali «turk-slavyan ittifoqi» gʻoyasini ilgari surdi. Bu yondashuvni bir muddat Kreml nazoratidagi ayrim tashkilotlar qoʻllab-quvvatladi, ammo turkiy davlatlarning koʻpchiligi qiziqish bildirmagani sababli gʻoya Moskva kun tartibidan tushib ketdi.