Tokayev Rusiyanın Türk Dövlətləri Təşkilatına dəvət edilməsini təklif etdi

Oktyabrın sonunda Ankarada keçirilən Türk Dövlətləri Təşkilatının zirvə görüşündə Qazaxıstan Prezidenti Kasım-Jomart Tokayev Rusiyanın təşkilata dəvət olunmasını təklif etdi. Heç bir üzv dövlət bu təklifə cavab vermədi və yekun bəyanatda bu məsələyə toxunulmadı.

Məqalədə qeyd olunur ki, Rusiyanın TDT-yə dəvəti və ya oxşar yanaşma ilk dəfə gündəmə gəlmir. Moskva əvvəllər müxtəlif vasitələrlə türk dövlətləri ilə koordinasiya yaradılması barədə təkliflər irəli sürmüşdü.

2014-cü ildə Donbasda müharibənin başlamasından sonra Qərb sanksiyalarına məruz qalan Rusiya Kremlə yaxın filosof Aleksandr Duqin vasitəsilə «türk-slavyan ittifaqı» anlayışını ortaya atmışdı. Bu yanaşma bir müddət Kremlin nəzarətindəki bəzi təşkilatlar tərəfindən dəstəklənsə də, türk dövlətlərinin çoxunun maraq göstərməməsi onu Moskvanın gündəmindən çıxarmışdı.