Azerbaýjan döwlet karzynyň ÝIÖ-e gatnaşygyny 4 ýyl sabit saklamagy maksat edinýär

Azerbaýjan hökümeti indiki 4 ýylda döwlet karzynyň ýalpy içki önümine (ÝIÖ) gatnaşygyny sabit saklamagy maksat edinýär. Report.az habar berişine görä, muny maliýe ministri Sahil Babaýew Milli Mejlisiň Yktysady syýasat, senagat we telekeçilik komitetiniň 2027-nji ýylyň býujet paketini ara alyp maslahatlaşan mejlisinde aýdypdyr.

Ministriň sözlerine görä, 2026-njy ýylyň ahyryna döwlet karzynyň ÝIÖ-e gatnaşygynyň 20 %, 2030-njy ýylyň ahyryna bolsa 20,3 % boljagy garaşylýar. Babaýew Azerbaýjanyň bu görkeziji boýunça dünýäde iň oňat netijeleri bolan ýurtlaryň biridigini belledi. 23,9 milliard manatlyk karz portfeliniň 16,2 milliard manaty içerki, 7,7 milliard manaty bolsa daşarky karzdyr.

Karzyň ortaça möhleti obligasiýalar boýunça 3,6 ýyla ýetendigi, portfelde 7 we 10 ýyllyk obligasiýalaryň paýynyň 44 % bolandygy habar berildi. Ministr indiki döwürde karzyň ortaça möhletini artdyrmagy we gysga möhletli karzlary orta we uzak möhletli karzlar bilen çalşyrmagy meýilleşdirýändigini aýtdy.