Ozarbayjon davlat qarzining YaIMga nisbatini barqaror saqlashni maqsad qilmoqda

Ozarbayjon hukumati yaqin 4 yil ichida davlat qarzining yalpi ichki mahsulotga (YaIM) nisbatini barqaror saqlashni maqsad qilgan. Report.az xabar berishicha, buni moliya vaziri Sohil Boboyev Milliy Majlisning iqtisodiy siyosat, sanoat va tadbirkorlik qoʻmitasi yigʻilishida, 2027-yil byudjet toʻplamini muhokama qilish chogʻida maʼlum qilgan.

Vazirning soʻzlariga koʻra, 2026-yil oxiriga davlat qarzining YaIMga nisbati 20 %, 2030-yil oxiriga esa 20,3 % boʻlishi kutilmoqda. U Ozarbayjonning bu koʻrsatkich boʻyicha dunyoning eng yaxshi natijalarga ega davlatlari qatorida ekanini taʼkidlagan. 23,9 milliard manatlik qarz portfelining 16,2 milliard manati ichki, 7,7 milliard manati tashqi qarzdir.

Obligatsiyalar boʻyicha qarzning oʻrtacha muddati 3,6 yilga yetgani, portfelda 7 va 10 yillik obligatsiyalar ulushi esa 44 % ekani aytilgan. Vazir keyingi davrda qarzning oʻrtacha muddatini oshirish va qisqa muddatli qarzlarni oʻrta va uzoq muddatli qarzlar bilan almashtirishni rejalashtirayotganini bildirgan.