Türkiýäniň häkim partiýasy: Russiýa TDG synçy statusynyň talaplaryna laýyk gelmeýär

Türkiýädäki häkim Adalat we Ösüş partiýasy (AKP) Russiýanyň Türk döwletleri guramasynyň (TDG) synçysy bolmak üçin zerur şertlere laýyk gelmeýändigini aýdýar. Partiýanyň başlygynyň orunbasary Kürşad Zorlu Anadolu agentligine beren beýanatynda, synçy statusy üçin türk ýa-da garyndaş dillerden birinin diňe bir sebitde däl, ýurduň ähli çäginde döwlet ýa-da resmi dil bolmalydygyny aýtdy.

Zorlu bu ölçege laýyk gelmeýän döwletler üçin «TDG+» diýlip atlandyrylýan, üçünji ýurtlar bilen çeýe hyzmatdaşlygy göz öňünde tutýan formatyň bardygyny bildirdi. Ol, şeýle hem TÜRKSOÝ-nyň synçy agzalary bolan Altaý, Tuwa, Çuwaşistan, Başgortostan, Ýakutiýa we Tatarystan bilen medeni hyzmatdaşlygy dikeltmegi teklip etdi. Zorlunyň sözlerine görä, 2015-nji ýylda Russiýa häkimiýetleriniň karary bu hyzmatdaşlygy amalda doňdurypdyr.

Bu mesele 30-njy oktýabrda Ankarada geçirilen TDG sammitinde Gazagystanyň Prezidenti Kasym-Žomart Tokaýewiň Russiýany TDG+ formatyna çekmek ýa-da oňa synçy statusy bermek hakyndaky teklibinden soň gündeme geldi. Kremliň matbugat sekretary Dmitriý Peskow Moskwanyň gatnaşygyny «düşnükli we maksada laýyk» diýip atlandyrdy, emma entek resmi çakylyk almandygyny aýtdy.