Özbegistan Mayo Clinic bilen saglygy goraýyş ugrunda hyzmatdaşlygy maslahatlaşdy

Özbegistan we Amerikanyň Mayo Clinic kliniki saglygy goraýyş ugrunda hyzmatdaşlygyň mümkinçiliklerini maslahatlaşdy. UzDaily-iň habar berşine görä, gepleşiklerde lukmançylyk edaralaryny dolandyrmak, biotehnologiýa, genomika we ylmy barlaglar ele alyndy.

Oturyşyk 5-nji noýabrda Lukmançylyk we farmasewtika pudagyny ösdürmek agentliginiň direktory Abdulla Azizowyň gatnaşmagynda geçirildi. Taraplar bilelikdäki taslamalary durmuşa geçirmegi we lukmançylyk edaralaryny dolandyrmak, ylmy barlag we ösüş (R&D) hem-de genomika ugrunda tejribe alşmagy garaldy.

Gepleşikleriň netijesinde lukmançylyk edaralaryna tanyşdyryş saparlary, taraplaryň wekilleriniň özara tejribe alyşmak üçin syýahatlary we bilelikdäki amaly seminarlary guramak barada ylalaşyga gelindi. Geljekde Mayo Clinic-iň lukmançylyk edaralaryny dolandyrmakdaky, ylmy barlaglardaky we häzirki zaman biotehnologiýalaryny ulanmakdaky tejribesini öwrenmäge aýratyn üns berilmegi meýilleşdirilýär.