Özbəkistan Mayo Clinic ilə səhiyyə sahəsində əməkdaşlığı müzakirə etdi

Özbəkistan ilə Amerika Birləşmiş Ştatlarındakı Mayo Clinic səhiyyə sahəsində əməkdaşlıq imkanlarını müzakirə edib. UzDaily-nin məlumatına görə, görüşdə tibb müəssisələrinin idarə olunması, biotexnologiya, genomika və elmi tədqiqatlar nəzərdən keçirilib.

Görüş 5 noyabrda Tibb və Fapmasevtika Sənayesinin İnkişafı Agentliyinin direktoru Abdulla Azizovun iştirakı ilə keçirilib. Tərəflər birgə layihələrin həyata keçirilməsini və tibb müəssisələrinin idarə olunması, elmi tədqiqat və inkişaf (R&D) və genomika sahəsində təcrübə mübadiləsini nəzərdən keçiriblər.

Danışıqlar nəticəsində tibb müəssisələrinə tanışlıq səfərləri, tərəflərin qarşılıqlı təcrübə mübadiləsi üçün səfərləri və birgə praktiki seminarların təşkili barədə razılıq əldə edilib. Gələcəkdə Mayo Clinic-in tibb müəssisələrinin idarə olunması, elmi tədqiqatlar və müasir biotexnologiyaların tətbiqi sahəsindəki təcrübəsinin öyrənilməsinə xüsusi diqqət yetiriləcək.