Astrahanda Kayum Nasyri instituty merkezi açyldy

Astrahanda “Dostluk” Tatar milli medeniýeti sebitdäki jemgyýetçilik guramasynyň binasynda Gazan federal uniwersitetiniň Filologiýa we medeniýetara gatnaşyklar institutynyň Kayum Nasyri instituty bilim-medeniýet merkeziniň açylyş dabaralary geçirildi. Bu barada Tatarystan Respublikasynyň Bilim we ylym ministrliginiň metbugat gullugy habar berdi.

Dabarada Tatarystanyň bilim we ylym ministri Ilsur Hadiullin, GFU-nyň Gabdulla Tukaý adyndaky milli medeniýet we bilim ýokary mekdebiniň dekany Ramil Mirzahitow, institutyň umumy dilçilik we türkologiýa kafedrasynyň professory, filologiýa ylymlarynyň doktory Alfiýa Ýosypowa, dil we medeniýetara gatnaşyklar kafedrasynyň dosenti, filologiýa ylymlarynyň kandidaty Leýsan Habirowa, şeýle hem Tatarystanyň Arça, Layyş we Pitreç etraplarynyň bilim pudagynyň wekilleri gatnaşdy.

Merkez Astrahana gollanmalar, ensiklopediýalar we sözlükler bilen üpjün ediler. Merkezde tatar dilini öwrenmek boýunça mugt kurslar, Gazanly mugallymlaryň tatar edebiýaty boýunça leksiýalary, ylmy konferensiýalar we beýleki bilim çäreleri guralar. Ministrlik habar berişine görä, institut merkezleri 2014-nji ýyldan bäri Tatarystanyň döwlet dillerini we respublikada ýaşaýan beýleki halklaryň dillerini goramak, öwrenmek we ösdürmek boýunça döwlet maksatnamasynyň çäklerinde guralýar.