Gyrgyzystanda saýlawlar üçin Jemgyýetçilik gözegçilik merkezi guraljak

Gyrgyzystanyň Merkezi saýlaw we referendum komissiýasy Jemgyýetçilik gözegçilik merkeziniň işini guramak tertibini tassyklady. “Kabar” habar agentliginiň 16.10.26 senesindäki habaryna görä, karar şu gün kabul edildi. Komissiýanyň habaryna görä, merkeziň esasy maksady Gyrgyzystanda geçiriljek saýlawlarda we referendumlarda ses berme güni saýlaw uçastkalaryndan wideo görkezilişlerini hakyky wagt režiminde synlamak üçin şertleri döretmekdir.

Merkez saýlaw prosesiniň açyklygyny üpjün etmek we saýlaw uçastkalaryndan wideo synlamak mümkinçiligini bermek maksady bilen ses berme güni Merkezi saýlaw komissiýasy tarapyndan guraljak. Bellenen talaplara laýyklykda merkeze raýatlar, köpçülikleýin habar serişdeleriniň wekilleri, halkara we beýleki synçylar hem-de beýleki gyzyklanýan adamlar erkin girip bilerler. Merkezde hasaba alyş, wagtlaýyn nyşanlaryň berilmegi we wideo synlamagyň düzgünleri göz öňünde tutulýar.

Merkeze gelenlere agitasiýa geçirmek, enjamlaryň işine goşulmak we jemgyýetçilik tertibini bozmak gadagan edilýär. Şeýle hem wideo görkezilişlerini agitasiýa maksady bilen ulanmaga we saýlawçynyň iradasynyň mazmunyny kesgitlemäge gönükdirilen hereketlere ýol berilmeýär.