Qirgʻizistonda saylovlar uchun Jamoatchilik kuzatuv markazi tashkil etiladi

Qirgʻizistonda Markaziy saylov va referendum komissiyasi Jamoatchilik kuzatuv markazining faoliyatini tashkil etish tartibini tasdiqladi. “Kabar” agentligining 16.10.26 sanali xabariga koʻra, qaror bugun qabul qilindi. Komissiyaning maʼlumotiga koʻra, markazning asosiy maqsadi Qirgʻizistonda oʻtkaziladigan saylov va referendumlarda ovoz berish kuni saylov uchastkalaridan video translyatsiyalarni real vaqt rejimida kuzatish uchun shart-sharoit yaratishdir.

Markaz saylov jarayonining shaffofligini taʼminlash va saylov uchastkalaridan video kuzatish imkonini berish maqsadida ovoz berish kuni Markaziy saylov komissiyasi tomonidan tashkil etiladi. Belgilangan talablarga rioya qilgan holda markazga fuqarolar, ommaviy axborot vositalari vakillari, xalqaro va boshqa kuzatuvchilar hamda boshqa manfaatdor shaxslar erkin kirishi mumkin. Markazda roʻyxatdan oʻtkazish, vaqtinchalik belgilar berish va video kuzatish qoidalari nazarda tutilgan.

Markazga kelganlarga targʻibot olib borish, jihozlar ishiga aralashish va jamoat tartibini buzish taqiqlanadi. Shuningdek, videolarni targʻibot maqsadida ishlatish hamda saylovchi irodasi mazmunini aniqlashga qaratilgan harakatlarga yoʻl qoʻyilmaydi.