Gazagystanda sosial tölegleriň 14 görnüşine üýtgeşme girizilýär

Gazagystanyň Premýer-ministri Olžas Bektenow zähmet we ilatyň sosial goraglylygy ulgamyny sanlylaşdyrmak meselelerine degişli maslahat geçirdi. Egemen Qazaqstan gazetiniň hökümetiň metbugat gullugyna salgylanyp habar berşine görä, ýygnakda döwlet kömeginiň hakykatdan mätäç raýatlara ýetmegi we kärhanalarda zähmet hukuklarynyň goralmagy üçin sanly çözgütler görkezildi.

Zähmet we ilatyň sosial goraglylygy ministri Asgarbek Ertaýew we wise-ministr Bahtiýar Jazykpaýew esasy sanly çözgütleri tanatdy. «Maşgalanyň sanly kartasy» maglumat ulgamynda 30-dan gowrak döwlet maglumat ulgamyndan alnan, 20 million-dan gowrak raýat we 6,2 million öý hojalygyna degişli maglumatlar birleşdirildi. Ministrligiň maglumatyna görä, 2025-nji ýylda 480 355 mätäç maşgalanyň ýaşaýyş şertleri gowulandy.

Ýokary girdejili raýatlara degişli üýtgeşmeler sosial kömekleriň 36 görnüşiniň diňe 14-nä täsir eder; galan 22 görnüş boýunça häzirki töleg mehanizmleri saklanar. SMS habarlar iberilenden soň 200-den gowrak raýat kömekden ýüz öwürendigini mälim etdi. Şeýle hem sosial kömek boýunça 66 çäre gözden geçirildi.