Raşt-Astara demir ýolunyň gurluşygyna taýýarlyk işleri dowam edýär – Eroniň gubernatory

Eroniň Gilan welaýatynyň gubernatory Hadi Haqşenas Trend habar agentligine beren beýanatynda Demir ýol-Günorta-Demirgazyk halkara koridory çäklerinde Raşt-Astara demir ýolunyň gurluşygy boýunça operasyon işleriniň dowam edýändigini aýtdy. Onuň sözlerine görä, 162 kilometr uzynlykdaky ýoluň geçýän ýerleriniň takmynan 120 kilometriniň eýeçiligi raýatlardan satyn alyndy.

Gubernator 42 kilometrlik ýeriň eýeçiligini satyn almak işleriniň dowam edýändigini, eýelere tölegler geçirilýändigini we bu ýerleriň satyn alynmagynyň tamamlanjakdygyny goşdy. Şeýle hem ýol boýunca 60 kilometr demir ýol ýatagyny pugtalandyrmak işiniň durmuşa geçirilendigini belleýärdi. Ýol liniýasynyň gurluşygyna daşary ýurt ýa-da ýerli podratçy kompaniýanyň başlamagy garaşylýar.

Koridoryň esasy 2000-nji ýylyň 12-nji sentýabrynda Russiýa, Eron we Hindistan arasynda gol çekilen hökümetara şertnama esasynda goýuldy. Gazwin – Raşt (175 km) demir ýoly 2019-njy ýylyň 6-njy martynda ulanyşa berildi. 2023-nji ýylyň 17-nji maýynda Russiýa we Eron Raşt-Astara demir ýolunyň gurluşygy boýunça şertnama gol çekdi. Liniýada 9 stansiýa guruljak we şertnama görä Russiýa tarapy 1,6 milliard ýewro harçlamagy göz öňünde tutulýar. Gurluşygyň 48 aýda tamamlanmagy meýilleşdirilýär.