Рашт-Астара темір жолының құрылысына дайындық жұмыстары жалғасып жатыр – Иран губернаторы

Иранның Гилан провинциясының губернаторы Хади Хакшенас Trend агенттігіне берген сұхбатында Солтүстік-Оңтүстік халықаралық дәлізі аясында Рашт-Астара темір жолының құрылысы бойынша операциялық жұмыстардың жалғасып жатқанын айтты. Оның сөзінше, 162 шақырым ұзындықтағы желі өтетін аумақтың шамамен 120 шақырымының меншігі азаматтардан сатып алынған.

Губернатор 42 шақырым жердің меншігін сатып алу жұмыстарының жалғасып жатқанын, иелеріне төлемдер жасалып жатқанын және бұл аумақтарды сатып алу да аяқталатынын қосты. Сондай-ақ ол бағыт бойынша 60 шақырым темір жол төсемін нығайту жұмыстарының жүргізілгенін атап өтті. Желінің құрылысын шетелдік немесе жергілікті мердігер компания бастайтыны күтіліп отыр.

Солтүстік-Оңтүстік дәлізінің негізі 2000 жылғы 12 қыркүйекте Ресей, Иран және Үндістан арасында қол қойылған үкіметаралық келісім негізінде қаланды. Қазвин – Рашт (175 км) темір жолы 2019 жылғы 6 наурызда пайдалануға берілді. 2023 жылғы 17 мамырда Ресей мен Иран Рашт-Астара темір жолын салу туралы келісімге қол қойды. Желіде 9 стансса салынады, келісімге сәйкес Ресей тарапы 1,6 миллиард еуро жұмсауы күтіледі. Құрылысты 48 ай ішінде аяқтау жоспарланған.