Füzuli şäherine şu güne çenli 3 153 adam gaýdyp geldi

Azerbaýjanyň Döwlet şäher gurluşygy we arhitektura komitetiniň maglumatyna görä, şu güne çenli Füzuli şäherine 827 maşgala, jemi 3 153 adam gaýdyp gelipdir. Komitet şäherde ýaşaýyş toplumlarynyň gurulmagy bilen bir hatarda sosial infrastrukturyň hem ösdürilýändigini habar berdi.

Şäherde özbek halkynyň sowgady bolan, 960 okuwçylyk Mirza Ulugbek adyndaky doly orta mekdep, 240 orunlyk çagalar baglary we gazak halkynyň sowgady bolan, 600 çaga üçin niýetlenen Kurmangazy adyndaky Çagalaryň döredijilik merkezi ulanyşa berildi. 2020-nji ýylda basyp alnan ýerlerden azat edilen Füzuli häzirki zaman şäher gurluşygy ýörelgeleri esasynda täzeden gurulýar we “Uly dolanyş”yň möhüm nyşanlaryndan birine öwrülýär.

2040-njy ýyla çenli şäheriň Baş meýilnamasyna görä, şäheriň meýdany 1 943 gektara, ilaty 50 müň adama, ýaşaýyş fondy 1,52 million kwadrat metre ýetirilmegi göz öňünde tutulýar. Sekiz aýyň dowamynda uçuşlary kabul etmäge taýýar edilen Füzuli halkara howa menzili, Zafer ýoly (101 km), Ahmedbeýli–Füzuli–Şuşa (81,7 km) we Füzuli–Hadrut (12,3 km) awtomobil ýollary sebitara aragatnaşygy berkidýär. Jemi 15,5 million kub metr göwrümli Köndelençaý suw howdanlary toplumy 6 200 gektar oba hojalyk ýerini suwarmaga mümkinçilik berýär.