Owganystanly radikallar turist keşbinde Merkezi Aziýa girmäge synanyşýar: Lawrow

Rusiýanyň daşary işler ministri Sergeý Lawrow Owganystandaky radikal toparlaryň bu ýurtdan Merkezi Aziýa we Rusiýa howp salmak üçin peýdalanmak niýetinde bolandyklaryny habar berdi. Ol bu pikirini KHŞG, MDG we ŞHG-niň Merkezi Aziýanyň we Owganystanyň howpsuzlygyna bagyşlanan maslahatynda aýtdy. Habar «24.kg» neşirine salgylanyp berildi.

Lawrowyň sözlerine görä, Owganystanyň Täjigistan, Türkmenistan we Özbegistan bilen serhetdeş ýerlerinde entek-de köp sanly terrorçy we ekstremist topar, olaryň düşelgeleri we daýanç nokatlary saklanyp galýar. Bu toparyň agzalary Merkezi Aziýa döwletlerine girmäge synanyşýar we muny gaçybatalga gözleýän ýa-da turist bolup görkezip edýär. Esasy howpuň IŞID-Horasan jaňçylaryndan gelýändigi aýdyldy; bu topar IŞID halkara terror guramasynyň sebitdäki bölümi hasaplanýar.

Lawrow Panç derýasynyň beýleki tarapyndaky «terrorçylyk halkara topary» Merkezi Aziýadan, Demirgazyk Kawkazdan we ujgur gelip çykyşly söweşijileri öz düzümine çekendigini, bu söweşijileriň Ýakyn Gündogarda we Afrikadaky ýaragly çaknyşyklarda tejribe toplandygyny belledi. Onuň goşmaça aýdyşyna görä, daşarky güýçler Owganystandaky prosesleri öz garaz bähbitleri üçin ulansa, howp has-da artar; bu bähbitleriň bolsa Merkezi Aziýa we Rusiýanyň bähbitleri bilen umumylygy ýok. IŞID dünýäniň birnäçe ýurdy we halkara guramalary tarapyndan terror guramasy diýlip kabul edilýär.