Türkmenistanyň Prezidenti “Türkmeniň Altyn asyry” baýragy üçin bäsleşigi yglan etdi

Türkmenistanyň Prezidenti “Türkmeniň Altyn asyry” adyndaky baýraga mynasyp bolmak üçin bäsleşigi yglan etmek hakynda Karara gol çekdi. Bäsleşik edebiýat, medeniýet we sungat işgärlerine, döredijilik bilen meşgullanýan beýleki adamlara, höwesjeň aýdymçy ýaşlara we zehinli çagalara açykdyr. Kararda görkezilişi ýaly, maksat milli medeniýeti, medeni mirasy we gadymy gymmatlyklary kämil eserler arkaly beýan edýän zehinli döredijilik adamlaryny ýüze çykarmak, olaryň iň ussatlaryny saýlap-seçmek we höweslendirmek, türkmen edebiýatyny iri göwrümli eserler bilen baýlaşdyrmak hem-de milli sungaty ösdürmekdir.

Resminama laýyklykda, ýeňijiler bellenilen ugurlar boýunça kesgitlenäer. Bäsleşigiň çäklerinde höwesjeň aýdymçy ýaşlaryň arasynda “Ýaňlan, Diýarym!” telebäsleşigi, dutarçy bagşy-sazandalaryň arasynda “Çalsana, bagşy!” bäsleşigi we zehinli çagalaryň arasynda “Garaşsyzlygyň merjen däneleri” bäsleşigi yglan edildi.

Türkmenistanyň Prezidentiniň Karary “Edebiýat we sungat” gazetinde dolulygyna çap ediler.