Şakira Gyrgyzystana geldi: Bu güni konsert barada bilmeli zatlar

Dünýä belli kolumbiýaly aýdymçy Şakira 18-nji oktýabr gijesi Gyrgyzystana geldi. Bişkek onuň Las Mujeres Ya No Lloran World Tour dünýä gastrollarynyň duralgalaryndan biri boldy. Manas halkara howa menzilinde Şakirany Prezident administrasiýasynyň maglumat syýasaty bölümüniň müdiri Daýyrbek Orunbekow we Prezident işleri boýunça administrasiýanyň birinji orunbasary Boobek Salymjanow garşyladylar.

Konsert şu gün, 18-nji oktýabrda sagat 19:00-da «Bişkek Arena»da başlanar. Programmada Hips Don't Lie, Waka Waka we Whenever, Wherever ýaly meşhur aýdymlar bar. Stadionyň golaýynda sagat 07:00-dan Aala Tokombaýew, Muromskaýa, Er-Taýlak we Kuýukow köçeleriniň käbir böleklerinde ulag hereketi wagtlaýyn çäklendirildi.

Tomaşaçylar üçin sagat 15:00-dan 18:00-a çenli dört-alty minutlyk aralykda işleýän alty mugt awtobus marşruty guraldy. Konserden soň awtobuslar tomaşaçylary yzyna alyp gider. Guramaçylar stadiona barýan ýoluny öňünden meýilleşdirmegi we mümkin bolsa jemgyýetçilik transportyndan peýdalanmagy maslahat berýär. Biletler henizem resmi GovTicket platformasynda satylýar. Bu Şakiranyň Merkezi Aziýadaky ilkinji konserti.