Shakira Qirgʻizistonga keldi: bugungi konsert haqida bilish kerak boʻlgan maʼlumotlar

Dunyoga mashhur kolumbiyalik qoʻshiqchi Shakira 18-oktabr kechasi Qirgʻizistonga yetib keldi. Bishkek uning Las Mujeres Ya No Lloran World Tour jahon gastrollarining bosqichlaridan biri boʻldi. Manas xalqaro aeroportida Shakirani Prezident maʼmuriyatining axborot siyosati boʻlimi boshligʻi Dayirbek Orunbekov va Prezident ishlari boshqarmasining birinchi oʻrinbosari Boobek Salimjanov kutib oldi.

Konsert bugun, 18-oktabrda soat 19:00 da «Bishkek Arena»da boshlanadi. Dasturda Hips Donʼt Lie, Waka Waka va Whenever, Wherever kabi mashhur qoʻshiqlar ijro etiladi. Stadion atrofida soat 07:00 dan Aala Tokombayev, Muromskaya, Er-Tayloq va Kuyukov koʻchalarining ayrim qismlarida transport harakati vaqtincha cheklandi.

Tomoshabinlar uchun 15:00 dan 18:00 gacha har toʻrt-olti daqiqada qatnaydigan oltita bepul avtobus yoʻnalishi tashkil etildi. Konsertdan keyin avtobuslar tomoshabinlarni qaytarib olib ketadi. Tashkilotchilar stadionga yoʻlni oldindan rejalashtirish va imkon boʻlsa jamoat transportidan foydalanishni tavsiya etadi. Chiptalar hali ham rasmiy GovTicket platformasida sotuvda. Bu Shakiraning Markaziy Osiyodagi birinchi konserti.