Gazagystanda resmi sosial abadançylyk kalkulýatory işe girizildi

Gazagystanda raýatlaryň maşgalalarynyň haýsy sosial abadançylyk kategoriýasyna degişlidigini we döwletden kömek pullary we tölegleri alyp biljekdigini öwrenip biljek resmi onlaýn kalkulýator işe girizildi. Tengrinews.kz habarçysynyň habar bermegine görä, kategoriýany hasaplamak we ygtybarly maglumaty barlamak häzirlikçe eGov mobile programmasy arkaly mümkin.

Döwletde kömek pullaryny bellemek ulgamy üýtgedilýär. Alyjylar abadançylyk derejesine görä A, B, C, D ýa-da E toparlarynyň birine girizilerler. Haýsy topara girmek tölegiň mukdaryna täsir eder ýa-da umuman töleg berilmeli-berilmejekdigini kesgitler. Zähmet ministrligi bu üýtgeşmäniň kömegiň has maksatly bolmagy üçin zerurdygyny düşündirdi.

Täze çemeleşme Gazagystanda 2027-nji ýylyň 1-nji ýanwarynda güýje girer.