Қазақстанда әлеуметтік әл-ауқат калькуляторы ресми түрде іске қосылды

Қазақстанда тұрғындарға отбасысының әлеуметтік әл-ауқат санатын және мемлекеттік жәрдемақы мен төлемдерге құқығы бар-жоғын анықтауға мүмкіндік беретін ресми онлайн-калькулятор пайда болды. Tengrinews.kz тілшісінің хабарлауынша, санатты есептеу және сенімді ақпаратты тексеру әзірге eGov mobile қосымшасы арқылы мүмкін.

Елде жәрдемақы тағайындау жүйесі өзгеруде. Алушылар әл-ауқат деңгейіне қарай A, B, C, D немесе E топтарының біріне жатқызылады. Қай топқа кіретіні төлем мөлшеріне әсер етеді немесе төлем жасалатын-жасалмайтынын анықтайды. Еңбек министрлігі бұл өзгерістің көмектің мақсатты болуы үшін қажет екенін түсіндірді.

Жаңа тәсіл Қазақстанда 2027 жылдың 1 қаңтарынан бастап күшіне енеді.