Türk ýurtlary üçin birmeňzeş sanly kodeksi işläp taýýarlamak teklip edildi

Gazagystan Türk döwletleriniň Parlament assambleýasyna (TurkPA) agza ýurtlar üçin sanly kodeksiň nusgasyny işläp taýýarlamagy teklip etdi. Bu barada 2026-njy ýylyň 19-njy oktýabrynda Bişkekde geçirilen TurkPA-nyň XV plenar mejlisinde Gazagystanyň Kurultaýynyň başlygy Aýbek Dadebaý mälim etdi.

Dadebaýyň sözlerine görä, bu resminama agza döwletleriň sanly hukuk babatynda birmeňzeş esas döretmäge ýardam eder. Gazagystanyň Mažilis deputatlary bu kodeksi TurkPA-daky kärdeşleri bilen bilelikde taýýarlamaga taýýardyklaryny aýtdylar.

Ol, şeýle hem Türk döwletlerinde süni intellekte esaslanan IT-merkezleriniň ulgamyny döretmegiň, sanly howpsuzlyk boýunça maslahat geňeşini guramagyň we täze tehnologiýalary ösdürmek boýunça hyzmatdaşlygy güýçlendirmegiň möhümdigini nygtady. Dadebaý Gazagystanda Sanly kodeksiň güýje girendigini we döwlet hyzmatlarynyň 90 prosentinden gowragynyň onlaýn formata geçendigini goşup geçdi.