Turkiy davlatlar uchun yagona raqamli kodeks ishlab chiqish taklif qilindi

Qozogʻiston Turkiy davlatlar parlament assambleyasi (TurkPA) aʼzo davlatlari uchun raqamli kodeks namunasini ishlab chiqishni taklif qildi. Bu haqda 2026-yil 19-oktyabrda Bishkekda oʻtgan TurkPA ning XV plenar yigʻilishida Qozogʻiston Kurultoyi spikeri Aybek Dadebay maʼlum qildi.

Dadebayning soʻzlariga koʻra, bu hujjat aʼzo davlatlarning raqamli huquq sohasida yagona asos yaratilishiga yordam beradi. Qozogʻistonning Majilis deputatlari kodeksni TurkPA dagi hamkasblari bilan birgalikda ishlab chiqishga tayyor ekanini bildirdi.

U, shuningdek, turkiy davlatlarda sunʼiy intellektga asoslangan IT-markazlar tarmogʻini yaratish, raqamli xavfsizlik boʻyicha maslahat kengashini tashkil etish hamda yangi texnologiyalarni rivojlantirish boʻyicha hamkorlikni kuchaytirish muhimligini taʼkidladi. Dadebay Qozogʻistonda Raqamli kodeks kuchga kirganini hamda davlat xizmatlarining 90 foizdan ortigʻi onlayn formatga oʻtganini qoʻshimcha qildi.