Kartdan karta geçirmelerde komissiýa alynar

Azerbaýjanda 1-nji aprelden kartdan karta pul geçirmeleri boýunça täze hyzmat tölegi tarifleri kesgitlendi. Day.Az, unikal.az-a salgylanyp, Banklaraara Kart Merkezinde (BKM) işlenýän kartdan geçirmeler we karta geçirmeler boýunça hyzmat tölegleriniň geçirilýän serişdeleriň mukdaryna görä kesgitlenendigini habar berdi.

Milli walýutadaky amallarda 100 manada çenli geçirmeler üçin 3 tanga, 100,01-1000 manat aralygynda 10 tanga, 1000,01-10 000 manat aralygynda 50 tanga, 10 000,01-40 000 manat aralygynda 2 manat we 40 000 manatdan ýokary mukdarlarda 4 manat tölegi ulanylar. Dollar we ýewro bilen amallarda bolsa 100 birlige çenli 0,03, 1000 birlige çenli 0,10, 10 müň birlige çenli 0,50, 40 müň birlige çenli 2, has ýokary mukdarlarda 4 dollar ýa-da ýewro göz öňünde tutulýar.

Hökümet Töleg Portaly arkaly iberilen töleg tabşyryklaryny ýerine ýetirmek üçin bolsa 1000,01-10 000 manat aralygynda 1 manat, 10 000,01-40 000 manat aralygynda 4 manat we 40 000 manatdan ýokary mukdarlarda 8 manat tutular.