Kartdan karta köçürmələrdə komissiya tutulacaq

Azərbaycanda aprelin 1-dən kartdan-karta pul köçürmələri üzrə yeni xidmət haqqı tarifləri müəyyən edilib. Day.Az unikal.az-a istinadən xəbər verir ki, Banklararası Kart Mərkəzində (BKM) emal olunan kartdan köçürmə və karta köçürmə əməliyyatları üzrə xidmət haqqları köçürülən vəsaitin məbləğinə uyğun müəyyən edilib.

Milli valyutada 100 manatadək köçürmələrdə 3 qəpik, 100,01-1000 manat arasında 10 qəpik, 1000,01-10 000 manat arasında 50 qəpik, 10 000,01-40 000 manat arasında 2 manat və 40 000 manatdan yuxarı məbləğlərdə 4 manat xidmət haqqı tətbiq ediləcək. Dollar və avro ilə əməliyyatlarda isə 100 vahidədək 0,03, 1000 vahidədək 0,10, 10 min vahidədək 0,50, 40 min vahidədək 2, daha yüksək məbləğlərdə 4 dollar və ya avro nəzərdə tutulub.

Hökumət Ödəniş Portalı üzrə göndərilən ödəniş sərəncamlarında isə 1000,01-10 000 manat arasında 1 manat, 10 000,01-40 000 manat arasında 4 manat və 40 000 manatdan yuxarı 8 manat tutulacaq.